زمان بس مش زمان الف ليله و ليلة
زمان و قت الطفوله الروعه و ايامنا الجميلة
كان عمرى عشره اتناشر مش اكتر من كدة
عرفت كريم صديقى اللى من ايام الصبا
اخوات مش اصحاب ممكن تقول علينا
يفرقنا بس الشكل و الاختلاف اللى فاسامينا
نفس حب الكوره فينا و لعبها اللى بالساعات
هتلم فرقه هلم فرقه و نلعب على التيشرتات
ياما فمدخل العماره سهرنا علشان الوقت اتأخر
والصبح للأتارى اليوم فثانيه كان يتبخر
فى الشتا كنا نتقابل بعد خروج المدرسة
تكمل العصابه بينا و ننزل تانى على العشا
فى اللى منا هادى عاقل و اللى صوتة عالى هيصة
واللى ملهش فالمشاكل و اللى خناقاتة عويصة
واللى من صحابنا بعدوا عشان سجاره حديثة غير
لفوا مهما لفوا تاهوا رجعوا لان ملكش غير
كشك عبدة كان مجمع جمبة من الحبايب الف
كنا كتير و ما حد غايب و اللى يغيب اكيد فظرف
فى الفرح دايما جماعه و مينقصش منا و احد
فى العزا تلقانا صف كتف فكتف و ضهر و احد
الزعل ما بينا نادر كلمه اسف كانت تدوب
اى خصام ما بينا كان و جمب اخويا اياك تهوب
ايوه عيله بدون روابط الأسر و القرايب
اختك اختى و اهلك اهلى فو جودك او كنت غايب
صحاب اصليه فقريه دماغهم مشكلة
رجوله و ميه ميه دول عشره قديمه مكملة
لو فين اراضينا حاسين ببعضينا
كبرت و شوش بس القلوب جدعان متغيروش
عايز احكيلكم عالسعاده و الايام الروعه بينا
البوم عمرو فالمعموره قبل راس سدر و ما رينا
العربيه حموله خمسه بس راكب بها سبعة
بنسافر الصبح بدرى و بنرجع بالعافيه فتسعة
الحكاوى قبل نومنا نفضل باليومين صاحيين
الشالية لو اوضه و احده عادى يكفى اربعين
فرقت الجامعه بينا باختلاف مواعيدنا
واتخرجنا بسرعه منها بس كنا خلاص بعدنا
صوت الجيش عمال ينادى اللى داخل و اللى اجل
واللى اخد الأعفا دغرى و لمعاد الفيزا سجل
كبرت الدنيا علينا و المكالمه بالمعاد
اصل فلان هاجر لكندا و فرق التوقيت بالساعات
هما اتنين تلاته بقيوا فالوصال و الاتصال
ونقول الدنيا تلاهى و جميع و احد حالة حال
وفى يوم ابويا تعب كنت هموت من الخوف عليه
القدر يعمى البصر طب هتصرف اعمل ايه
فكلمت اول نمره من صحابى كنت فاكرها
حس بيا و اللى فيا من مكالمه و فاولها
ونص ساعه و كان تلاته من صحابيقصادى جم
زادوا اكتر بعد ساعه ايوه دول صحابى اهم
ورجعنا تانى صف و احد كتف فكتف و ضهر و احد
كل اخواتى كانوا جنبى و منقصش منا و احد
قام ابويا بعدين كانوا سندى و قتها
والحكايه دى حقيقه و الله مألفتها
صحاب اصليه فقريه دماغهم مشكلة
رجوله و ميه ميه دول عشره قديمه مكملة
لو فين اراضينا حاسين ببعضينا
كبرت و شوش بس القلوب جدعان متغيروش
احلي كلام عن الصحاب
كلام جميل عن الصحاب